‘Ndel caàgnöl de pèndol entresàt,
ghie postàt déter töcc i mé ensòme,
castèi per aria sö nigoi de bombàs
vidie töt bèl e lisìo sensa rògne.
Isticc de moda en mostra ‘nde le scafe
scarpe de pèl, coi tach a pontalì
sotane larghe e vita de vispì
caèi coi resoi, al pòst de dù cuì.
 
E quate bozie mes.ciade a tàcc rozare
nel més de Magio,per smosegnà coi gnari
söl möradèl ‘ndo finia el stradù
che lia per nóter “Piasa libertà”
e per le mame: “löch de perdisiù “
 
Po’ söi  panèi a cùzer fodreghète
disfà sgarbiòcc stöder fradilì,
ucià gamesèi per fa scarpète
e tacognà sèp col réf dei ruchilì.
El prim laorà, dopo la scöla
la  biciclèta  pagàda  en tàt al més,
cua de caàl, laèr culùr maöla,
en gaiòfa, bucù de pà moés.
 
Isé al mé tép    ulàt   en frèsa,
pasàt   föra  al par d’en   sömelèch
gho cuzìt sura ‘na gran bèla pèsa
chèla  che  adès  gho  distindit   söl spècc
per sconder caèi bianc e rape de gal
arènt ai öcc che  ümicc  i  regorda
quan sie ‘na bèla gnara de “vint agn”
 
 
 
VENT’ANNI
 
 
Nel cestino di salice intrecciato-avevo riposto i miei sogni-castelli in aria su nuvole di bambagia-vedevo tutto bello e senza problemi-Vestiti alla moda nelle vetrine-scarpe in pelle coi tacchi a spillo-larghe gonne su vitini da vespa- capelli ricci al posto delle trecce.-E quante bugie mescolate ai rosari di Maggio-per amoreggiare coi ragazzi-sul muretto dove finiva lo stradone-per noi “Piazza Libertà” per le mamme”Luogo di perdizione”-Poi sui gradini a cucire federe-disfare garbugli, badare  i fratellini-lavorare gomitoli di calzette-rattoppare buchi con filo di rocchetto-Il primo lavoro dopo la scuola-la bici pagata a rate-coda di cavallo e labbra col rossetto fragola-in tasca bocconi di pane .-Così al mio tempo  passato in fretta come un lampo-ho cucito sopra una bella pezza-quella che ora ho steso sullo specchio-per nascondere ca pelli bianchi e rughette –accanto agli occhi che umidi ricordano-quando ero una bella ragazza di venti anni.