'Ndel stansì che dà sö la lòza,
prim de la camera, de 'na mé zia pöta,
ghia el petinös, per   mé   'na gran specina,
de ardà e mai tocà.
 
La ma lasàa apena, a bunura la matina,
sbarbacià el mostas 'nde l’aiva del cadì,
sugàs  piö prest che 'n frèsa,
col pan de mà rügùs fina a sgröbiat la pèl,
e po’ via de onda a scultà   la prima Mèsa.
 
Mah…al dopodisnat, quan la fàa   el pisulì,
el petinös …lia töt   per me.
A pè nücc o en scapì, per mia   desedàla,
tacàa la “gran nasada” a töcc i busitì
a   fianch al scatolòt   del   borotalco
che 'l paria en micio col piumì.
 
A belaze svidàe i coercì,
e ma i portae sota el nas
isé che l’udur co’ la fantasia,
i   fàa giògera!
 
NOTTE DI VENESIA…e dindulàe   söl mar.
VIOLETTE DI PARMA…e scavrezàe per rie
LAVANDA COL DI NAVA…rampegàe sensa bofà…
E dopo la finia che a forsa de nazà
sto’ busitì   che sintia de bù,
ma vignia en culp de sternudà
sensa iga per forsa en gran fridur,
isé fae pàla… e desedàe   mé zia.
 
Adès, de busitì, en cate a sentinér
de töte le furme, de mila culur,
ma a profumà la memoria e i mé   pensér,
ghè restat de sügür ..noma che lur…
 
 
I BOCCETTINI
 
Nello stanzino ubicato sul loggione,prima della camera,di una mia zia zitella- c’era il mobile da toilette,per me una grande vetrina-da guardare e mai toccare.- Mi lasciava solo lavare il viso nel catino,al mattino presto,asciugarlo con un panno rugoso che mi screpolava la pelle-e via in fretta ad ascoltare la Messa. Ma al pomeriggio,quando si riposava,-quel mobile era tutto per me. A piedi nudi,o con le calze,per non svegliarla – iniziava la grande’fiutata’a tutti i boccettini – a fianco del barattolo di borotalco-che pareva un gatto di peluche. – Adagio svitavo i coperchi-e me li portavo al naso-così che il profumo con la fantasia- diventavano giochi.-NOTTE DI VENEZIA…e dondolavo sul mare- VIOLETTE DI PARMA…e passeggiavo per le rive-LAVANDA COL DI NAVA…mi arrampicavo senza ansimare.-e dopo finiva che a forza di annusare-questi boccettini così profumati,-mi veniva da starnutire- senza avere un grande raffreddore,così svegliavo mia zia.-Ora di boccettini ne trovo a centinaia,-di tutte le forme,di mille colori,ma a profumare la mia memoria ed i miei pensieri,sono rimasti solo loro.